Diasabra pasa di 10’or di anochi un yiu homber na grito tabata pidi ayudo den camber di hotel despues cu el a bin topa cu mama no ta moviendo, e personalnan di hotel a raporta di biaha na Polis.
Prome patruya cu a acudi na e sitio a hayanan mes cu un homber agresivo y no tabata comportabel y a solicita resfuerso, momento cu oficialnan a yega na e camber ariba unda e turista ta, a topa cu e mama no ta reaccionando y a solicita ambulance presenta cu urgencia.
Riba e piso unda e turista ta hospeda a detene e homber agresivo pa un rato, mientras cu paramediconan tabata traha cu e señora pero sin resultado y a solicita dokter presenta pa constata morto. Aki e turista deteni a kibra mas.
A solicita e transportwagen y e homber na boei a sinta aden, pero rato despues Polis a papia cune y e tabata calma. E homber tabata pidi polisnan mil un sorry con el a reacciona y despues el a splicanan cu ta su mama a muri y aki polisnan a duna condolencia y a compronde su situacion pakico e tabata agresivo prome y a kita su boei y lage liber.
Pasa di 11 or anochi dokter a presenta pa constata mortocna Barcelo y pasa di 12or auto funeral a acudi pa bay cu e curpa.