MINDANAO, Filipinas – E asaltantenan lo ta miembro di e Combatientenan Islamico pa e Libertad di Bangsamoro, un di e cuater gruponan di e region Filipino di Mindanao, cu a hura lealtad na Estado Islamico.
Un grupo di Yihadista a ocupa diaranson un scol primario zuid di Filipinas y a tuma rehennan civil, ehercito a anuncia.
“Nan ta den e scol y a retene civil. Nan ta uzanan como escudonan humano,” e capitan Arvin Encinas, vocero di e division militar, a declara na AFP via telefon.
E hechonan a tuma luga na Pigkawayan, un localidad situa mas of menos 160 km di e ciudad di Marawi, unda cu e combatientenan vincula na e grupo Yihadista Estado Islami, ta hiba un luna luchando contra e ehercito Filipino, den un conflicto cu a laga cientos di morto.
Encinas a sigura cu e ta desconoce e cantidad di rehen y si tabata tin mucha entre nan, pero si a afirma cu e hombernan arma a pone explosivonan rond di e scol.
E vocero di forsanan arma, Restituto Padilla, a indica previamente cu e asaltantenan di diaranson tabata miembro di e Combatientenan Islamico pa e Libertad di Bangsmoro, un di e cuater gruponan di e regio Filipino di Mindanao (zuid) cu a hura lealtad na EI.
Polis local ta kere cu e atake di e grupo por tabata tin como obhetivo mobilisa e tripanan Filipino pa yuda e combatientenan Yihadista na Marawi.
Fuente: www.elespectador.com