Internacional: Siguiendo e noticia di e temblor fuerte cu a dal Turkia y Siria riba 6 di februari 2023, por informa cu e cifra di morto ta yegando 50.000 y ta calcula cu lo surpasa esaki durante dia cu mas buskeda ta tumando luga.
E subsecretario di ONU cu ta encarga cu e Asuntonan Humanitario y Coordinador di Emergencia a informa cu e situacion lo empeora den e termino di necesidadnan di buskeda di refugio tanto na Turkia y Siria. Esaki ta debi cu momento cu yega pa cu esaki mester bay basha miles di edificio abou, y pa momento cu scol habri tur hende ta keda manda na luganan di refugio temporalmente.
Por lo menso 22 hospital na Turkia y Siria a haya daño despues di e temblornan ultimo, 15 di e hospitalnan a haya daño na e parti instalacion di sanitario, y na Siria 7 di e hospitalnan tambe a haya daño. Ta calcula riba 84.5 miyon di dollar pa ambos pais.
Turkia a bin cu un plan di emergence na un total di 10 provencia cu a keda afecta, y tambe a busca e solucion pa esnan cu a perde trabou haya nan salario. Un total di 140.000 edificio na Turkia a keda cay den otro. Y Mas di 900.000 hende ta sin cas.