E 16 muchanan Venezolano deporta di pasado pa Trinidad y Tobago. No tatatin noticia di nan durante 48 ora. Nan a yega na e Isla, asina fuente di oposicion di Venezuela a informa.
Politico opositor, David Smolansky kende a denuncia e situacion a pidi tras di yegada di e 16 menor di edad (entre nan un baby di 4 luna) pa garantisa proteccion y integracion.
Smolansky tambe a raporta un paar di ora prome cu e mayornan di 16 menor a comunica cu e persona encarga di nan despues di e 48 ora. Segun nan a bisa cu lo tabata spera e boto yega na Cedros of Palo Seco, costa zuid di isla di Trinidad.
“Mayornan a bisa cu e motor di e barco a daña despues di mey ora cu el a sali diadomingo, ora cu e muchanan a keda deporta. Hopi di nan tabata deshidrata”, Smolansky.
El a pidi gobierno di Trinidad pa duna e sentencia na corte supremo di e pais y actua. El a recomenda e Comision Interamericano di Derecho Humano (CIDH) pa garantisa e proteccion di e menornan di edad.
E comision a insta Trinidad y Tobago pa vigila ‘estrictamente’ e proteccion di e muchanan migrante y exorta e pais pa garantisa ingreso di persona Venezolano cu ta busca proteccion internacional pa rason humanitario urgente. E caso a hala hopi atencion na Venezuela, caminda ciudadano di e pais a cuminsa puntra pa e estado di muchanan y exigi un solucion pa nan.