YCI Youth Active Leaders of Aruba den e di dos siman lo tin un actividad lo bay tin e National Convention, unda tur chapter di YCI Dutch Caribbean lo bin hunto pa cera e aña na un manera fructifero. Sra. Roselyn Mana, di YCI ta amplia.
Dia 11 pa 13 di october, lo bay tin e National Convention di YCI Dutch Caribbean, unda cu e capitulonan di YCI lo bini hunto pa asina tene diferente reunion, presentación di con e aña a bay y kico ta sigui pa e siguiente aña, unda e directiva nobo ta wordo instala.
YCI YALA tabata activamente druk organisatoriamente. Nan ta duna training na diferente miembronan, y esey nan a focus ariba dje e aña aki.
Sra. Roseta Martinus, vice presidente di YCI YALA, cu ta splica cu dia 11 di october nan lo tin un evento di training pa recauda fondo relaciona cu e National Convention cu nan ta bay tin. For di isla hermana Corsou, ta bay bin Sra. Iska Davelaar cu ta bay duna un training yama “The Secret of Succes”. Durante e training aki e lo elabora kico ta e secretonan pa logra exito den bo bida, trabao y tur area.
E evento aki ta pa Aruba completo. Tur persona cu kier sa un tiki mas di con e por logra exito. Hopi biaha ta pensa cu tin un diploma ta suficiente pa logra bo soño. E ta yudabo logra un trabao cu bo tin den mente. Pero si bo tin un soño cu bo kier logra den bida, tin hopi mas cosnan cu por uza pa logra esaki. Y Sra. Ytza lo elabora ampliamente con pa logra e soño cu bo tin.
E training ta aki ta bay ta dia 11 di october y e lo ta na Universidad di Aruba. Pa tur hende cu kier participa por registra ainda ariba e Facebook page di YCI YALA pa haya informacion di e training. Y si bay ariba eventbright.com, busca secret to succes unda por registra of yama directamente na 730- 6005.