Rond di 9.30 di anochi a tuma luga un accidente riba Kamerling Onnesstraat bayendo direccion di Tanki Leendert. Tabata trata di un Toyota Yaris cu, pa motibonan desconoci a baha di caminda ya bay dal den un palo di luz. Tabata trata di un palo cu kabelnan di alto voltahe.
Den e vehiculo tabatin dos persona kendenan a resulta herida. Ambulance a bay hospital cu e victimanan pa tratamento. Polisnan di trafico tambe a yega na e sitio pa haci nan investigacion. A causa di e accidente aki, bario di Solito y un parti di Tanki Leendert a keda sin coriente.