Awe den oranan di mainta polisnan a bay pa un accidente cu a tuma luga na Noord, unda un auto a pega den cura di un cas.
E accidente a sosode den area di Keito. Segun por a compronde, un señora manehando un Yaris blanco, dado momento a perde control riba stuur. No a splica di con, pero e hecho ta cu esaki a causa cu el a bay directamente den cura di cas, pa despues sigui core y para algun meter mas leu.
Ambulance a yega na e sitio pa atende cu e chauffeur, kende no a sufri lesionnan grave.