Diasabra marduga Polis, Ambulance y Brandweer a keda dirigi pa Diamantbergweg na San Nicolas caminda den un cas tin un homber no ta reaccionando y cu e lo ta morto. Bombero a bay pa kibra e porta di cas, pero ora cu e persona a scucha tur e desordo el a core lanta habri porta pa sali.
A resulta cu e homber ningun momento ta morto, pero morto na soño di halto cu e tabata. E ta un conocido di adicto pa e area ey, pero a constata cu na e cas tin un bentana kibra, segun su version e doño a lage drenta den e cas pa drumi. Polis a opta pa bay cune warda y averigua e asunto aki miho.