UTRECHT, Hulanda- Diahuebs un scol mester a wordo evacua pa motibonan di siguridad. Polis a tuma e decision aki despues di cu’n e scol a haya un yamada di menasa.
segun e directora di e Scol pa Educacion Avansa Special, un homber a yama bisando cu “el a bin haci algo na e scol”, e directora a declara y segun e, e homber tabata kiermen arma.
Polis tin un sospechoso deteni. Ta trata aki di un hoben di 19 aña, procedente di Utrecht.
Polis mesora a bay over na cera e area y a evacua e scol den fasenan. Pa 4 or di atardi e scol tabata practicamente bashi, según e directora.
E scol en cuestion ta un filial di Stip pa Educacion Avansa Special. E ta un scol pa muchanan cu tin problema pa siña. Alumnonan tin un discapacidad intelectual.
E scol ta duna educacion na muchanan di entre 12 te cu 18 aña di Utrecht y bisindario. Despues di e melding nan a wordo busca door di mayornan of a wordo transporta pa medio di busnan special.