Tempo no ta mucho di gaba na St. Maarten, manera cu ya nos por a lesa anteriormente den un articulo, pasobra Horcan Irma ya caba ta bayendo pa eynan. Nan ta den un Hurricane Watch y nan lo bay tin sigur mester di un man. Ya tin un grupo di voluntario di Cruz Cora, a haci tur preparativo pa nan salida pa Corsou, pa despues sigui pa St. Maarten pa asina yuda esun di St. Maarten, hunto cu Marina Hulandes, den casonan di prome auxilio durante e pasada di Irma. Tin entendi tambe cu pa diasabra, te asina leu, tin un grupo di 12 voluntario di Cruz Cora ta saliendo tambe pa St. Maarten, pa asina duna un man den loke ta asistencia medico, despues di e pasada di e horcan. Un palabra di exito y pronto regreso na e voluntarionan aki, esta Dionisio “Fecito” Richardson, Giomar Violenus y Reginald Tromp , kendenan no a duda di bay duna un man na un isla ruman, cual ta St. Maarten cu lo bay pasa den momentonan basta turbulento, cu pasada di horcan Irma, cual ya a bira uno di categoria 3.