CHILE – Husticia Chileno a dicta diaranson, prizon preventivo pa dos oficial di alto rango di polis, elevando na 11 uniformado cu lo permanece encarcela tras di a wordo acusa di ta participa den e mayor fraude descubrierto te awor aki den e institucion.
E di shete husgado di Garantia “ta decreta prizon preventivo di cuater imputado pa considera nan libertad un peliger pa sociedad,” Poder Judicial a informa riba su cuenta riba Twitter.
Claudio Venegas y Cesar Fernandez, dos di e polisnan cera, tabata oficialnan di alto rango di Carabineros di Chile, mientras cu Patricio Morales y Jaime Valenzuela tabata civil cu a participa den e maniobranan di desfalco cu a participa den e mayor fraude detecta den e institucion.
E caso a rementa diamars y te awor aki a logra determina cu mediante “maniobranan destina na evati controlnan interno y externo, e imputadonan a logra apropia di por lo menos 16.500 miyon di peso Chileno, mas ofm enos 25.2 miyon di dollar.
Husticia te awor aki a decreta cu a wordo cera 11 polis y tres civil, den un megafraude conoci como “milicogate.”
Den e audiencia di diaranson, a fiha, ademas, medidanan cautelar manera aresto domiciliario y prohibicion di sali for di e pais, na otro 11 persona.
Segun e acusacion di Fiscalia, difundi pa Poder Judicial, entre 2006 y 2007 “e imputadonan a asocia y a organisa cu e fin di comete e delito di malversacion di caudalnan publico,” tras adultera registro den e basenan di dato di polis pa transferi placanan estatal riba cuenta di oficialnan activo of den retiro, famia y civilnan hustificando e movimientonan aki como remuneracion y viatico, entre otro.
E investigacion a habri den e region di Magallanes, mas of menos 2200 kilometer zuid di Santiago, luga unda cu a tuma luga e prome denuncianan.
E prome formalisacionnan a wordo realisa na Maart y Fiscalia lo bay tin cuater luna desde e fecha aki pa culmina e investigacion caminda cu por wordo imputa mas di 50 persona.
Fuente: El Espectador