Actualmente SETAR NV ta bezig ta rol uit e sistema di WIFI den caya. Ta hopi coordinacion cu hopi instancia di Gobierno, specialmente DOW, BID, pa por tin cooperacion cu tur e clientenan cu tin un diseño. Segun Ahmid Juddan, 50% ta den servicio. Ta siguiendo pa caba e otro 50%. Ta premira pa mey mey di October, e ta full up and running.
Ta duna un palabra di pabien na Gobierno cu a wak esaki pa yuda e clientela tambe pa bishita caya, unda cu SETAR ta aporta na esaki, segun Juddan.
E ta sigui splica cu e trabao di kabel ta subteraneo, cual ta algo cu no lo bay mira. Solamente lo bay tin trabaonan di mantencion diparti di DOW, cu ta biniendo. No lo bay tin kibramento di caminda pero si lo drecha unda tin mester.
Ta haya den e telefon, ora cu busca WIFI ta haya SETAR mainstreet, ta escoge, ta logup riba e sistema. SETAR tin un sistema for di Djispie’s bin p’abao y por wanta basta hende. Te asina leu lo bay mira cu si e por wanta mas di 10 of 20 mil. E weso di lomba di e WIFI ta cubri cu fiberoptic. Pues e por wanta basta heat. Juddan a splica cu den e proximo planificacion, San Nicolas lo ta den tapara. Awor aki ta bezig ta update ta caya y edificionan cu highspeed internet, cual ta bay den combinacion di biaha pa upgrade di e caya.