Parlamento di Aruba a yama un reunion di urgencia cu minister Dowers, relaciona cu e situacion di criminalidad.
Hunto cu e minister a bin tambe varios miembro y hefe di Cuerpo Policial, Ministerio Publico, Seguridad Nacional, Aduana.
Durante e reunion, Parlamentario Xiomara Ruiz-Maduro a probecha e presencia di Procurador General y Officier di Justitie, pa cuestiona nan dicon nan no ta investiga minister Benny Sevinger.
Xiomara Ruiz-Maduro a duna den extenso con minister Benny Sevinger y esnan cerca di dje ta ‘deal’ cu tereno di pueblo. Tambe e negoshi di permiso cu tin den man di Benny Sevinger.
Despues, na Hulandes, a puntra procurador general van Dam kende ta investiga Minister Sevinger riba asunto di tereno y tocante permiso.
“Heren van het Openbaar Ministerie, wat doen we met minister Sevinger?
Laten we hem zijn gang gaan om Eman te sparen? Dat kan en dat mag niet!”
Mester bisa cu e preguntanan aki a cay pisa den henter e sala, y awor si ministerio publico no por haci nada otro cu contesta. E contestanan no a wordo duna ainda.
