BOSTON/ORANJESTAD- E astro Arubano, hungado di Boston Red Sox den posicion di shortstop, Xander Bogaerts, al final toch lo ta den e All Star, despues di a wordo agrega como un reemplaso di lesion.
Bogaerts originalmente tabata originalmente un di e desprecionan di All Star mas notorio, terminando na di 5 luga den e votacion di fanaticonan pa shortstop di AL, y asina ta keda pafo di e lista di reserva.
E hungado di 26 aña a gana su luga, batiando di.301/.392/.541 cu 16 homerun y 58 RBI den 82 wega. E lidera e shortstopnan den A.L. (American League) den OPS (.933), doblete (28) y RBI (caredanan empuha) (58).
Bogaerts lo join su compañeronan di ekipo J.D. Martinez y Mookie Betts riba e roster di Liga Americano hunto cu manager Alex Cora y su staff di coaching entero. E tercera base Rafael Devers y catcher Christian Vazquez ta candidatonan pa wordo agrega como reemplaso di lesion den caso cu’n otro hungado haya un lesion.
Bogaerts, Brandon Lowe di Tampa Bay y Jose Berrios di Minnesota Twins a reemplasa Tommy La Stella (Angels), Hunter Pence (Rangers) y Jake Odorizzi (Twins) riba e roster.