Seoul, SUR- COREA- E All-Star shortstop di Red Sox ta esun cu a yuda pone Hulanda riba mapa pa loke ta trata baseball. E prome biaha cu Xander a representa Reino Hulandes den World Baseball Classic, ainda e no tabata forma parti di Red Sox. Cuater aña pasa, Bogaerts tabata wordo considera un di e miho prospectonan y e tabata entusiasma pa ta hungando den un torneo internacional cu su 20 aña. E biaha aki, sinembargo, e ta mas importante ainda. Bogaerts ta un di e miho shortstopnan di tur tempo y e ta un asset pa e ekipo Hulandes.
Aunke e ekipo Hulandes no ta un di e faboritonan den e torneo aki, Bogaerts ta bisa di su ekipo: ” e staf di pitcheo ta kisas un di e areanan unda cu tin trabao pa wordo haci, pero nos tin diferente hungadonan di caliber den diferente posicion.
Bogaerts ta sumamente orguyoso di a crece cerca di e lama Caribense, na Aruba, un isla den Caribe y ta duna speransa na su compatriotanan cu kier hunga baseball profesional. Cuater aña pasa, Bogaerts a bati di.263/.364/.368 cu algun doblete pa Hulanda. Pero e no por a imagina cu pa fin di 2013 e lo ta formando parti di un club ganado di Serie Mundial.