Internacional: Ya caba pa varios luna Bogaerts tabata den un posicion cu su ekipo di Boston Red Sox unda cu mester a dicidi si ta keda of ta cuminsa un futuro nobo cu otro team.
Palabranan for di MLB Players Association ta bisa cu Bogaerts ta un di e varios hungadornan cu tambe a join e grupo di free agency. Bogaerts ta “opt-out” di su contract di Boston y ta laga e 3 ultimu aña nan atras hunto cu $60M en buskeda di un contract mas grandi.
Esaki lo ta prome biaha den Bogaerts su carera cu e ta bira un free agent, mirando cu den 2019 a firma un contract di extension di $160M.
Mientras tanto e decision ta riba mesa ainda si e organisacion di Boston Red Sox lo extende Bogaerts su contract of si akinan Bogaerts lo cuminsa un futuro cu un ekipo nobo.