Xander Bogaerts lider indiscuti: Otro homerun den triunfo di Boston

Bayendo di 5-2 na plato, e short stop Arubiano, Xander Bogaerts tabata clave un biaha mas den triunfo di su ekipo Boston Red Sox cu anotacion di 11-7 riba Detroit Tigers.

Entre e dos hitnan cu Xander a conecta, tabata su di cinco home run di temporada c’un hungado na base loke a pone cu el e empuha dos careda mientras cu el a aumenta su averahe di bateo na .351.

J. Martinez  tambe a bati di 5-2 y a subi su averahe di bateo na .349 y hunto cu Xander ta e dos mihonan di e ekipo di Boston cu ta sigui lider di e division cu record di 18-12.

Bogaerts lo bolbe mira accion awenochi den di dos wega contra di Tigers caminda pa Red Sox e pitcher Martin Perez cu tin record di 0-2, lo ta riba monticulo.

Comments

comments