E shortstop nobo di San Diego Padres, Xander Boagerts a kibra un record nobo diasabra anochi den Mexico City birando e prome hungado di Major League cu ta dal un home run den cuatro diferente pais. Den di 4 inning e ta dal un home run contra di Jakob Junis, pitcher di San Francisco Giants, cual ta haci cu e ta e prome hungado di MLB pa dal un home run den Merca, Inglatera, Canada y Mexico. Xander a surpasa Tony Clark y Michael Brantley cual ambos hungado a dal un home run den tres diferente pais.
Den su carera di 1,292 wega den campeonato regular, Bogaerts ta bati 162 home run y a logra 696 RBI’s. Den su prome campeonato cu e ekipo di Padres, Bogaerts ta ranca sali cayente, batiendo cu un averahe di .311 cu 6 home runs, 13 RBI’s y 19 careda hinca.