Xander Bogaerts a dal home run pero Boston ta perde

Boston Red Sox's Xander Bogaerts, left, is congratulated by Franchy Cordero (16) after scoring on a groundout by Hunter Renfroe during the first inning of a baseball game against the Texas Rangers Sunday, May 2, 2021, in Arlington, Texas. (AP Photo/Jeffrey McWhorter)

E short stop Arubiano, Xander Bogaerts awe a dal su di cinco home run di temporada pero e no por e preveni cu su ekipo Boston Red Sox a cay derota cu anotacion di 5-3 contra di Texas Rangers.

Xander a dal su home run den di cuater entrada pa pone Boston ariba den e mercado 2-0 mientras cu el a bay di 4-3 pero  cu su ekipo dilanti den e mercado 3-1 den di ocho entrada, e relevista Ottavino a permiti tres careda pa permiti Texas bay cu e triunfo.

Tabata di dos derota sigui di Boston ya cu diasabra anochi tambe Boston a perde cu anotacion di 8-6 den wega cu Xander a bay di 5-2 y tin cu menciona cu e pelotero di Aruba tin un averahe di .349 y ta e miho di e ekipo di Red Sox.

Martinez ta sigui Xander cu averahe di .337 y nan dos ta e unico hungadonan di Boston cu tin averahe riba .300 den otro tremendo temporada di e hoben Arubiano.

Boston a gana e prome wega contra Texas diabierna anochi cu anotacion di caminda Bogaerts a bati di 4-1 caminda su unico hit tabata su di 14 home run.

E ekipo di Red Sox tin record di 17-12 y ta sigui lider den e division East di Liga Americana cu bentaha di un wega y mey riba Tampa Bay.

Comments

comments