Diasabra, un otro icono di Caya Grandi, ta cera su portanan. Ta trata aki di Wulfsen & Wulfsen.
Wulfsen & Wulfsen, despues di mas di 50 aña na Aruba, simplemente, no por mas. Despues di basta evaluacion, Wulfsen & Wulfsen no por a wanta mas y ta bati bancarota. Diasbara 9 di juni for di 8 or di mainta te cu 4 or y 30 di atardi lo ta ultimo dia cu nan ta habri. Tur mercancia lo tin di bay, pa cual nan ta duna 70% descuento ariba tur mercancia.
Hopi ta e tiendanan cu a pasa den temporadanan duro, despues cu a kibra Caya Grandi, pa traha e tram. Tres aña largo, a lucha, a wanta den e lama bruto di Caya Grandi.
Pero e sla economico financiero aki, no ta tur por a absorba esaki. Cuanto tienda a cera nan portanan, manda trahado cas, pasobra simplemente, ‘doing business’ a bira algo imposibel mirando e situacion precario cu Caya Grandi tabata ta aden. E binida di tram no a trece e fluho di personanan pa shop den caya grandi tampoco.
Cu e baymento di Wulfsen & Wulfsen, un otro era ta yega su final.