Un teenager, kende a wordi corona e mucha muhe cu mas cabey y tin apodo di “Chewbacca”, a feita su cara p’asina e por casa cu e “amor di su bida”. Supatra “Nat” Sasuplan, di 17 aña di edad procedente di Tailandia, tin un condicion straño jama “Ambras Syndrome”, tambe conoci como e “Werewolf Syndrome”. Supatta tin cabey excesivo ta crece for di su cabez te na su punta di dede pia. Su condicion, cu ta solamente 50 hende rona mundo ta sufri di esaki, a gana e premio di Guiness World Record pa ta e persona cu mas hopi cabey riba planeta mundo na aña 2010.
E mucha su tata, Samreng a confirma cu su jiu muhe, ainda ta sufri di e malesa, pero el a cuminsa feita su cara y curpa despues di a casa cu e amor di su bida. Nat kende ta un optimista di naturalesa durante e ceremonia di entrega di e premio na Roma na aña 2010, a bisa cu “mi no ta sintimi diferente compara cu otro hende y mi tin hopi amiga y amigo na scol”. Su experiencia mas exitante tabata na momento cu el a wordo corona e “Hoben cu mas Cabey”.
“Mi ta sintimi un persona hopi special”, Nat a declara.