Sra. Jennifer de Mey, docente na EPI Salubridad y Servicio, ta splica cu e retonan pa docentenan ta grandi y tipo di eventonan manera e Social Work and Development Workshop ta yuda mas. E ta splica mas ariba e tema aki.
Sra. de Mey su background ta pedagogico, e ta dobel den e caso aki y den e workshop aki e la haya informacion con pa involucra mayornan, aunke cu den su caso, door cu e ta MBO, nan no tin asina tanto contacto directo cu mayornan. Pero e parti interesante ta cu e ta bezig ta siñando studiantenan, cu si tin di haber cu mayornan, por ehempel den un creche. Esaki ta toolsnan cu el a haya con pa incorpora esakinan den su lesnan.
E otro aspecto ta cu e workshop tabata un enrekisimento, unda cu por a sinta cu diferente hende di Delft y ta intercambia experiencia. Pa Sra. de Mey, e ta sali satisfecho for di e workshop unda e ta sali cu basta conocemento.
Di su parti, Jennifer de Mey, a bisa cu e ta bon pa refresca bo enfoke pa si bo hayabo den situacion cu mayornan, con ta trata esaki, kico pa tene cuenta cun’e y con importante e ta, pasobra e mas importante, studiantenan na scol, mayoria di biaha nan ta mayor di edad, pero e probleman social cu nan como maestro ta topa, hopi biaha ta incorpora full e famia. Den casonan asina maestronan mester tin e tools con pa anda cu tipo di situacionnan asina.
SI e studiantenan di EPI caba, como Sociaal Pedagogisch Werker e ta hopi importante cu nan por tin e touch cu e mayor. Nan ta esun cu ta guia e muchanan den e crece dus nan tin hopi contacto cu e mayor, y bo mester di e mayornan si bo kier logra si bo kier enfoca ariba cierto situacionnan.
Mirando e generacion nobo aki, mamanan hoben y educacion ta pone cu e problemanan social ta aumentando. TUr instancia ta bisa esaki, y esaki ta habri wowo di e maestronan den ki direccion bay cu e problema aki, basa ariba e conocemento haya den e workshop. Bo ta wak e situacion for di punto di bista di Hulanda, con nan ta trat’e , e desaroyonan na Hulanda y tur esaki ta yuda ya cu niun hende tin un contesta crucial di con trata e problema pero mester purba ya cu pa tur organisacion e ta traha diferente. Bo no tin un concepto cla caba pero informacionnan ricibi hinca esakinan den nos sistema y cultura, segun Sra. Jennifer de Mey.