Cambio climatico ta un tema cu aki aya nos ta tende tocante di dje. Nos ta mira cu awa ta yobe mas cu normal y tin dia nos no ta mira solo of ta haci mas fresco cu normal nos a custumbra pa un largo tempo.
Museo Archeologico Nacional Aruba a organisa un 3 dia di workshop tocante e tema aki, pero tambe a trese den e workshop representantenan di diferente pais cu por papia tocante adaptacion cu ya a wordo haci y con pa adapta di nobo teniendo na cuenta nos situacion di infracstructura, architectura y sistema di bida durante e cambio climatico.
Segun Archeologo Harrold Kelly, ya den historia mundo a conoce e factornan di cambio climatico. Pues e cambio climatico mes no ta un tema nobo den evolucion di mundo y historia di nos antepasadonan. Pa esey a trese diferente representantenan internacional pa hunto crea un workshop presencial y virtual basa ariba investigacionan cientifico tocante e tema di cambio climatico y con e ser humano a adapta su mesbe tempo aya.
Publico general ta bay tene unnevento publico ariba diahuebs 1 di december 2022. E ta un evento informativo pa splica tocante di “Adaptacion di clima y sistemanan di conocemento tradicional den Caribe”.
Tur esnan interesa por forms parti di e evento publico cu lo cuminsa 6:30 di atardi na Museo Archeologico Nacional Aruba situa na Schelpstraat.