Ultimo dianan pa inscribi pa e workshop nobo di pintura na Ateliers ’89, Academia Di Bellas Artes Aruba, yama “TEXTILLE HOTTIE” cual lo cuminsa dialuna awo dia 9 di October pa 6.30pm. Esaki ta un proyecto nobo di pintura total yama back to basics cu ta pa dos luna, na unda den di dos luna lo enfoca mas ariba dibuho.
Manera a ser bisa caba den e articulo anterior Ateliers ’89 ta hopi contento cu e e juffrouw aki. Tanja ta artista y maestro, cu a dicidi di bin duna les na Ateliers ’89. Un juffrouw simpatica y di fama internacional y ganadora reciente di diferente premionan. E ta akinan na Ateliers ’89, cuminsando Dialuna awor pa comparti su experencia como pintora multi disciplinario cu bo persona cu na e ocasion aki no tin nodo di tin experencia algun. Lo guia tur segun nan por.
Edad pa participa ta di 12 aña pariba y manera semper e workshopnan na Ateliers ’89 ta pa un luna y di Dialuna pa Diahuebs for di 6.30 pa 9.30pm. Corda si cu cuponan ta limita.
Si bo tawata na e apertura di Ateliers’89 San Nicolas di e exposicion di “Turn Your Herritage in to Art”, Diadomingo ultimo. Bo mes por a experencia e ambiente unico cu tawata reina, interesante y di alta calidad cu nos ta brinda nos participantenan y e publico en general. Unda no solamente ta investiga y traha hunto cu e artista cu ta duna les di cerca, pero tambe ta siña con ta hiba bo trabou den un presentacion maximo cu ta termina den e anochi di apertura di e exposicion unda ta comparti cu tur presente e obranan exhibi. P’esey no perde e oportunidad aki di bini e workshop di “Textille Hottie” cu ta cuminsa Dialuna y experencia pa bo mes e sistema di traha aki sin igual cu Ateliers ’89 ta brinda riba un nivel profesional.