Departamento di Asuntonan Economico/IDEA y e compania STEINBEIS a organisa un workshop tocante “Improving and Maintaining Market Access through Standards and Conformity Assessment” den cuadro di e proyecto COSME (Caribbean Overseas Small and Medium Enterprises), cu a tuma lugar na Departamento di Asuntonan Economico, riba 29 y 30 augustus 2016.
E proyecto di COSME ta un programa cu ta financia door di e fondonan regional di Union Europeo cu ta destina specialmente pa e OCT nan (Overseas Countries and Territories) desde april 2014.
E programa tin tres obhetivo specifico:
A. Reenforsa e capacidad di e gobierno di e OCT-nan den Caribe pa duna servicio na e sector di comercio.
B. Mehora e capacidad di “Business Service Organizations (BSOs)” pa drenta den e maneho publico/priva y dialogo administrativo reforma cu gobierno y duna servicio na e constitucion di e SMEs.
C. Promove un colaboracion mas fuerte cu comercio y relacion di inversion entre Union Europeo, CARIFORUM y e “Caribbean OCTs”.
Mr. Seepersaud, experto di e compania STEINBEIS, ta un di e lidernan di Team/experto principal den e programa di COSME y ta responsabel pa e implementacion tecnico di Obhetivo C. Pa e workshop menciona, sr. Seepersaud a invita sr. Leopoldo Colombo como moderador. Sr. Colombo ta e Managing Director di Quara Argentina S.A. y ta un Chemical Engineer cu mas di 30 aña di experienca den Research & Development, Process Control, Quality Management y Conformity Assessment. Desde 2013, Sr. Colombo ta un miembro di ISO/TC279 Innovation Management y ta Convener di ISO/TC279/WG1, responsabel pa e grupo cu ta desaroya e futuro ISO 50501: Innovation Management Systems. Tambe sr. Colombo ta e Secretariado di the National Innovation Committee of IRAM-Argentina. Sr. Colombo ta un Quality Auditor y Quality Manager certifica dor di ASQ (American Society for Quality).
E obhetivo di e workshop “Standards and Conformity Assessment”:
Na final di e workshop e participantenan lo por:
Splica e necesidad en general tocante e “Standards and Conformity Assessment” y e beneficionan di e standards pa e SME nan;
Splica e diferencia den e uzo di “Standards and Conformity Assessment” y e “quality system”;
Dirigi e cliente den e uzo di standards,
Tin conocemiento con pa haya acceso na mas información tocante “Standards and Conformity Assessement”.
Pa promove un colaboracion mas fuerte cu comercio y di inversion den e OCTnan den Caribe, e meta di e encuentro aki y ful e proyecto di COSME ta pa envolvi e representantenan publico/priva adecuado y relevante pa sigura un exito total. E participantenan cu a atende e workshop aki tabata: KvK, Care4Care, IDEA, DEZHI, Brandweer, DTI, Roadmap Solutions, ActionCoach, DVG, Veterinaire Dienst, Ling & Sons, Cornerstone Economics y Funari.
IDEA ta gradici tur coleganan di DEZHI cu a yuda pa haci e workshop aki posibel, especialmente nos colega Clarina Geerman. Na final di e workshop tur participante a ricibi un certificado di participacion y tambe nan a keda hopi satisfecho cu e informacion cu nan ricibi durante e workshop.