Biblioteca Nacional Aruba ta ofrece un workshop pa adulto ‘Skirbi storia historico’. Esaki ta tuma lugar na edificio central di biblioteca na Playa den luna di mei.
Pa pone un storia den un contexto historico ta importante pa haci investigacion y pa busca acceso na fuentenan cu ta ofrece informacion corecto. Por pensa riba buki, corant, revista y potret y otro documentonan relevante (sea den forma di documento como den forma digital). Tin hopi informacion y pesey ta importante pa evalua informacion y selecta informacion balioso. Participantenan ta practica buscando informacion online y na archivo of otro instancia y kizas den coleccion priva. Un entrevista cu un persona por completa e informacion. Asina tin diferente manera pa yega na un contexto historico pa un storia di ficcion.
E workshop ta wordo facilita pa Sr. Randolf Vrolijk, docente di historia y por registra via [email protected]. Workshop ta dialuna atardi: 7, 14, 21 y 28 di mei di 5or pa 7or. (E workshop ta costa 25 florin)