Relaciona cu su programa “trahando na un comunidad felis” directiva di Centro di Bario Playa Pabao a organisa un “workshop” bou di e tituto “Para Keto Na Mi Mes”. Facilitador di e programa tabata den man di Sr. Roy Mezas. Sr Mezas na un manera hopi profesional, durante 4 siman, a siña e cursistanan con pa tene cu nan mes y e importancia pa para keto na bo mes. Presidente di Centro di Bario Playa Pabao, sr Dennis Burke, na final di curso a dirigi su mes na e cursistanan. Sr Burke a gradici e cursistanan pa nan participacion y a pidinan pa hasi bon uso di e hermentnan cu nan a recibi di sr Mezas. Tambe ela gradici sr Roy Mezas, Sra. Yamila Hoevertsz y Sra. Shayen Clarissa pa nan contribucion. Na final tabatin entrega di certificado na e cursistanan y un treat chiquito. Den luna di Mei directiva di Centro di Bario Playa Pabao lo organisa otro “workshop”. Mas informacion lo sigui den prensa.