Traha “ANIMALNAN GIGANTESCO” ta e workshop nobo pa April na Ateliers ’89, Academia di Bellas Artes Aruba, unda lo pone enfasis riba instalacionan tres dimensional. Cuminsando Dialuna 9 di April, manera pasco grandi pasa, bou guia di e internacionalmente conoci strea y fundado di “DOGTROEP” e artista maestro procedente di Jerusalem, Israel yama Yuval Rimon.
De e workshop aki e participantenan lo siña con pa traha animalnan gigantesco manera instalacion di materialnan recikla. Na cuminsamento di e workshop lo nos bai siña bou guia di e maestro Yuval Rimon con nos mester diseña, diseñonan grandi di instalacion pa asina traha modelonan ariba schaal den 3D. Tambe nos ta bai investiga ki sorto di materialnan nos por y kier uza y con pa reuni tur e materialnan aki.
Despues si, nos lo bai traha animalnan grandi di berdad. Juist paso ta bay pa animalnan grandi nos mester bai averigua ta unda nos ta bay presenta y traha esaki nan, na unda trahamento conhunto lo ta hopi importante. E workshop aki ta pa tur edad, hoben y adulto. Loque bo mester ta djis un tiki talento, fantasia y hopi gana pa recicla.
Ateliers ’89 ta hopi orguyoso pa por yama bon bini na Aruba e docente artista aki Yuval Rimon. Yuval Rimon ta un conocido integrante y co-fundado di e internacionalmente conoci Dogtroep cu a sa di crea peformancenan ariba e borde di arte contemporaneo y teatro.
Na Israel e tawata na 1985 co-fundador di ZIK Group. Cu nan performancenan interdisciplinario, instalacionan y esculturanan e grupo aki a sa di gana respet na Israel y a bin ta haci presentacion di nan propio creacionnan for di Estados Unidos te cu China. Desde 2000 te cu 2009 e tawata director di e School di Arte Visual di Jeruzalem, na unda te ainda e ta traha como docente.
Pa inscribi por yama director di Ateliers ’89, Academia di Bellas Artes Aruba na telefonan; 5654613 o 5885776. Nos ta prefera si, si bo por haci esaki tambe via e-mail na [email protected]. E workshopnan ta di Dialuna pa Diahuebs di 6.30 pa 9.30pm. Edad ta di 12 aña pariba. Tambe por check nos web-site na www.ateliers89.com. Ateliers ’89 ta keda na man drechi riba e crusada di Maria College na Playa. Corda si pa bo aplica mas pronto cu ta posibel ya cu e cuponan ta limita.