Un di e varios artesanianan cu ta garando acogida na Aruba ta esun di kima figura of cara riba palo. Cosecha ta ofrece diasabra 28 di april un workshop di e artesania aki, yama na Ingles “Wood burning”. E artesano Andres Werleman, miho conoci como Modechi, specialista riba e tereno aki, lo guia e workshop aki.
Modechi lo sinja e participantenan con pa kima imagen riba palo. Door cu e workshop aki lo ta den tema di Dia di Rey, lo tin oportunidad pa traha e cara di Rey Willem-Alexander.
E workshop ta tuma luga na e centro creativo di Cosecha na San Nicolas. E workshop ta di 10.00 am – 01.00 pm. E prijs ta 35,00 florin incluyendo material y refreshment.
Inscripcion ta necesario y esaki ta tuma luga na Cosecha San Nicolas of na Cosecha Oranjestad. Pa mas informacion por tuma contacto cu Cosecha San Nicolas na telefon 5878708 of Cosecha Oranjestad na telefon 5878709. Tambe por manda un email na [email protected].
Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha.