Cuminsando dialuna 10 di Juli, Ateliers ’89, Academia di Bellas Artes Aruba, ta bin cu un otro tremendo programa vacacional pa “mucha”. Den su programa di arte den bario, ta ofrece e biaha aki un workshop di fotografia profesional, dicta pa e artista maestro procedente di Caracas, Venezuela, Daniel Benaim.
Si bo no tin nada di haci y ta na cas y bo kier algo unico pa haci bin un luna largo, for di dialuna 10 di Juli, te cu diahuebs 3 di Augustus, dialuna pa diaranson di 3.30 – 6.30pm, tres bes pa siman so, edad rond di 10 aña p’ariba.
Si bo ta gusta fotografia , si bo tin un camara digital, si bo kier siña saca potret den un ambiente positivo y great y si bo kier pa bo mama of tata, ruman tambe participa cu bo? Tur esaki ta posibel den e workshop aki y gratis!
E workshop aki ta pa publico en general, especialmente pa nos muchanan, den e proceso di fotografia di e imagen digital, usando luz natural igualmente pa, escenanan p’afo como tambe pa paden.
Eworkshop ta mas tanto practica y ta basa ariba con pa yega na un formacion total pa cada participante realiza su mes un proyecto di imagen digital personal. E workshop lo haci uso tambe di aparatonan digital y visual como soporte. Participantenan lo mester di un camera digital y un laptop. E prome siman ta uno di introducion y uso di cameranan digital den fotografia, ehercicionan practico pa cu camera digital,(intencion fotografico , e proceso fotografico y e diferente cameranan digital).
Den e di dos siman lo concentra ariba ehersicionan di: color, enmarca y lus natural. Pa e di tres siman lo pone atencion ariba e portafolio di obranan traha y lo cuminsa cu e proyecto personal y introduccion di uso di photoshop y editing den esaki. Y den di cuater siman lo haci investigacion ariba “media” y “ suporte visual haciendo uso di media pa fotografia digital. entregamento di projecto y discucion pa expone esakinan y dicon.