Ateliers ’89 Academia di Bellas Artes Aruba cu un workshop nobo exepcional combina den otro di DJ-ing y pintura Pa e maestro Sueco Johnas Ohlsson. Cuminsando diamars 16 di october 2018.
Bo ta mas cu welkom pa bin participa na e workshop aki di Dj-ing y Pintutra cu e artista internacional Jonas Ohlsson. Jonas ta un artista dj hopi simpatico mes y e kier bo bin busca bo mes y comparti hunto cun’e durante e workshop aki. Segun e artista ta sconde den cada persona un artista y asina cu nos tur tin e ponencia di por expresa nos creatividad.
Paso tur hende ta soña anochi y ta crea imagenenan cu storianan yena cu fantasia. Pero imaginacion ta manera un spier cu tin di wordo getrain si no e ta bira slap y sin sentido. Durante 4 siman Jonas lo bay siña e participantenan con nos lo bay train e spier aki pa asina pa asina nos por reviva e imaginacionnan aki y desaroya nan. Y cu hopi motivacion nos tur lo termina manera Arnold Schwarzenegger nobo di imagen.
Laga bo spirito creativo wordo inspira door di e cuater simannan largo aki pa e all around artista DJ Jonas Ohlsson. Bou su guia tur e partici-pantenan lo traha hunto o individual, dibujado o busca manera di cera forma pa contae storianan den imagen. Akinan nos lo sali enbusca di tur tipo di material cu lo bo por usa. E resultado final lo termina den un exposicion unda e energia acumula lo explota.
Jonas Ohlsson ta bin di Suecia y ta biba y traha na Amsterdam, Hulanda. E ta un all around artista cu ta pinta, traha instalacion, skirbi y compone musica unda tambe e ta e artista tras di Blodfet y DJ lonely. Su arte ta asina multiple mescos cu su practica artistico. Banda di su musica su provocacion y humor, historia, politica y cultura di caya ta hopi importante den su trabou. Bo ta haña su base di musica electronico bek den su proceso artistico na unda asocion ta tuma un luga importante. Banda di su bida artistico e ta duna les na Gerrit Rietveld Academie na Amsterdam Hulanda, Koninglijke Academie na Den Haag Hulanda y tambe na Design Academie na Eindhoven. E la haci docencia bishitante y duna workshop full rond di mundo manera Boston, Detroit, Los Angeles, Rio de Janeiro, Xiamen, Jibgdezhen y Geneva.
E workshop aki ta pa un luna y ta cuminsa ariba Diamars 16 di october di 6.30 pa 9.30pm, edad ta di 12 aña pariba y lesnan ta di Dialuna pa Diahuebs. Pa incribi mester manda un mail na e-mail [email protected] o yama libremente na 5654613 o 4885776. Check tambe nos web-site www.ateliers89.com. Inscribi awor ya cu cuponan ta limita.