Biblioteca Nacional Aruba ta ofrece un curso cortico di skirbimento creativo pa e sernan creativo cu kier mehora nan skirbimento y en busca di inspiracion. Bo ta desea di expresa bo mes pa medio di storia cortico, poesia, blog post of articulo? Esaki por bou guia profesional di schrijfcoach Byande van Andel. Curso ta cuminsa diaranson dia 12 di October, di 5or pa 7or. Tin 6 encuentro na biblioteca, tur diaranson atardi mes un orario. (12, 19, 26 October y 2, 9, 23 y 30 di November. Registracion por via [email protected]
Kico ta e idea? Participantenan ta bay purba di habri e kranchi di loke ta biba den nan mes, loke nan ta sinti y experencia. Cu diferente ehercicio coach Byande van Andel ta stimula e coriente creativo y ta duna idea, feedback y inspiracion. Participantenan por inspira otro y intercambia di idea con ta skirbi e storia. Participantenan ta sigui skirbi na cas den siman. Esaki ta un tayer pa skirbi storia den cuadro di Lifelong learning na Biblioteca Nacional Aruba.
Tin diferente manera pa cuminsa skirbi y cuminsa e proceso creativo.
Bo por skirbi bo storia na diferente manera, por ehempel chronologico segun un linea di tempo (timeline) (0-60 of 60 bayendo bek den tempo) y a base di tema, por ehempel unda bo a biba, experencianan cu a haci un impacto, scolnan cu bo a bishita, escohencianan den bida.
Nos por laga preguntanan clave activa e memoria y guia nos. Asina ta cuminsa colecta recuerdonan.
Nos ta cuminsa cu drafts, nada ta definitivo, na caminda ainda por cambia di idea, di perspectiva…..’cut and paste’ na modi bisa. Loke nos ta skirbi ta keda drumi un par di biaha, laga cos ‘zink’ despues ta bolbe lesa y ta wak kico nos kier corigi of skirbi otro.
Nos por lesa fragmento pa otro y por haci otro pregunta.