E Taskforce Aruba Contra di Traficacion Humano, hunto cu Amsterdam Manor Beach Resort, The Palm Tours y La Quinta Beach Resort ta organisando entrenamento di conscientisacion y lo focus ariba kico ta contrabando humano, cual ta e señalnan y kico por wordo haci al respecto.
Orador pa e anochi aki lo ta Sra. Shamere McKenzie, kende tabata victima di traficacion humano. El a cera conoci cu su traficador ora cu e tabata purbando di paga pa su estudionan universitario. E tabata mustra un nice persona y el a priminti Shamere cu di cu e lo por gana bon door di baila den un club. Pero esey tabata un mentira. Durante e añanan cu a sigui, Shamere tabata forsa pa traha como prostituta y bailarina exotico.
Hopi ta e biahanan cu Shamere a nenga di haci esaki, cual a resulta den maltrato di parti di su “pareha”. Scapa no tabata un opcion, te ora cu polis porfin a aresta su pareha y Shamere porfin por a conta su storia.
Ta trata aki di e storia di un muhe cu a scapa sclavitud moderno. Un storia cu e ta uza pa informa otronan di e risico di bira un victima di traficacion humano y con pa reconoce e señalnan pa preveni esaki.