Diadomingo awor dia 20 di November proximo, Arubaanse Voetbal Bond (AVB) ta organisa e prome AVB Women’s Expo. E evento aki ta e combinacion di un campaña cu AVB a cuminsa na Juli ultimo. Lo tin oportunidad pa publico haya informacion di e diferente teamnan cu tin di un seccion femenino y pa inscribi tambe pa bira miembro di e clubnan aki.
Lo tin diferente booth di tur e teamnan presente. Banda di esey lo tin diferente actividad durante e dia aki. Ta bay tin un stage unda lo tin shownan di modelahe di productonan relaciona cu futbol como deporte en general.
E parti principal di e campaña y e exposicion ta pa nos conscientisa comunidad cu futbol femenino tambe ta posibel na Aruba sin cu por tin nada cu por stroba nos. Den nos region, futbol femenino ta creciendo y Aruba no por keda atras. Ta pesey ta realisa e evento aki cu pa prome biaha ta tuma luga dia 20 di November den Renaissance Convention Center for di 10:30am pa 6:00pm. Ta bay ta un dia familiar yen di actividad y hopi informacion.