Gino Goeloee, director di Wit Gele Kruis ta splica cu ya pa 7 aña largo ta duna conscientisacion na radio y television pa cu e muchanan.
Ta pone enfasis ariba uzo di sunblock, pa cuida e cutis di e muchanan y hende grandi tambe. Pa bebe hopi awa durante parada, pa e muchanan bay bariga yen y tambe ta focus hopi ariba e parti di cuida curpa. E parti di embaraso hubenil, y e parti di uzo di alcohol.
Sr. Goeloe a splica cu durante e ultimo parada, nan a constata cu tabata tin hopi mayor cu tabata bou influencia di alcohol y cu tabata tin mucha cu nan. Tabata wak ambos mayornan bou influencia di alcohol y mucha di 3 pa 4 aña pa nan cuenta. Muchanan ta core rond, y den esaki algo por sosode. Wit Gele Kruis ta stress pa mayornan bebe pero bebe modera.
Sr. Goeloe ta enfatisa cu ta increibel con hopi accident ta tuma luga den weekend, y ta pidi pa si bo ta bay bebe pa busca un hende pa core auto p’abo. Alcohol ta hungando un rol hopi grandi den e bida diario di nos ciudadanonan.
Wit Gele Kruis a bin cu spot na tv pa haci e mayornan mas consciente pero asina mes mayornan no ta cumpli. Tin hasta gruponan di Carnaval cu ta zorg pa tin sunblock y earplug pa muchanan cu ta participa cu nan. Sr. Goeloe a splica cu nan ta ripara cu nan ta pasa spot na radio, na television, comunicadonan den corant, pero ta keda na cada mayor pa cumpra esakinan.
Tin biaha mayornan e accionnan toch ta wordo tuma pero ta keda un grupito cu no ta haci caso di e accionnan. Aworaki tin FADA, WGK, Telefon pa Hubentud, Dienst Besmettelijke Ziektes y DVG cu ta dunando carusel na e MAVO, HAVO scholen. Pero kisas lo mester bay educa e muchanan di scolnan basico y haci oudersavond pa e mayornan, pa asina conscientisa e mayornan ariba consecuencia di alcohol y comportacion.
Aki na Aruba, segun Sr. Goeloe, el a ripara cu demasiado alcohol ta wordo consumi durante dianan di Carnaval.