Ta tempo pa cuminsa inverti den e parti di prevencion, pero ta inverti tempo y hopi placa den e parti curativo. Si wak cu tur e miyonesnan ta bay den remedi, den hospital. Lo mester draai esaki full. Sr. Goeloe ta amplia.
Tin programanan na scol, scolnan saludabel, pa cumisna for di chikito caba pa come saludabel y haci movecion; den e caso aki tin un plan cu ta draai caba, pero atrobe e ta dura añas prome cu wak e frutonan pero si ta den e bon caminda. Mester sigui educa e comunidad pa come saludabel, pa haci movecion.
Cierto scolnan tin programanan di salud ta draai caba, pero ta e mayor ta esun cu ta cushina, cu ta cumpra e cuminda. E mayornan tambe mester wordo educa, pa biba un bida saludabel pesey tin un plataforma di salud, unda e meta ta pa educa comundidad ariba un bida saludabel, ariba e parti di prevencion.
E plataforma tin un paar di aña ta andando y ta haci un bon trabao. Pero mester ta mas agresivo ariba e mercadeo, na radio y television, pa sigui educa e mayor. Y tambe di parti di Wit Gele Kruis, nan ta bay na companianan cu ta haci prikaktie cu ta coy presion, sucu di clientenan na pia di trabao.
Aki tambe WGK ta purba di educa mayornan pa biba mas saludabel.Tin e plataforma di salud cu ta conscientisa y educa full e comundidad pa asina biba un bida saludabel, Sr. Gino Goeloe, director di Wit Gele Kruis a finalisa bisando.