Dia 11 y 12 di October, Wit Gele Kruis a organisa dos anochi informativo tocante e cuido pa un ser keri cu a sufri di un stroke (CVA= Cerebro Vasculair Accident). E curso aki a tuma luga na Theresita Center na San Nicolas.
Riba e prome anochi, Dr. Dave Lacle, cu ta un specialista di hospital, a splica tocante e banda medico di un stroke (causa, consecuencianan fisico y mental, prevencion).
Coleganan (ergotherpie, fysiotherapie) di e revalidatie-afdeling y e trahado social di e hospital a papia tocante e tratamento y nazorg cu e hospital ta ofrece despues di un stroke. E informacion tabata amplio y bon splica.
E di 2 anochi coleganan di Wijkzorg di Wit GeleKruis a papia tocante e cuido na cas pa un ser keri cu a sufri un stroke. Nan a duna tips y tambe demostracion. A wordu papia tocante e parti mental tambe (emocionnan despues di un stroke).
Cu e anochinan aki nos di Wit Gele Kruis kier logra cu e cuido na cas pa un persona cu a sufri un stroke ta di calidad continuo, safe, eficiente y positivo.
No solamente e persona mes a sufri un stroke, su famia tambe ta sufri cun’e. P’esey mes nos kier apoya tur hende cu ta envolvi ora di un stroke.
E curso aki lo wordu ripiti otro aña atrobe !