Recientemente Wind Creek Casinos a introduci fichanan pa hunga na mesa den nos propio moneda. E fichanan aki ta completamente na florin y ta masha facil pa cambia y hunga. Cu e introduccion aki, Wind Creek Aruba ta pone un stempel mas tras di nan nomber como e prome y unico casino na Aruba pa duna nos florin e honor aki.
Gerencia di Wind Creek Casinos ta sumamente contento y satisfecho con e fichanan aki a keda y a wordo acepta. Eta un honor pa ta e prome y unico casino na Aruba pa introduci un ficha pa hunga na mesa den nos propio moneda. Awo clientenan di Wind Creek por bishita casino y hunga cu florin na tur weganan di mesa sin preocupa pa cambia placa.
Den weekend ultimo, hungadornan di Wind Creek a pasa y purba nan suerte na mesa cu e fichanan nobo na florin. Wind Creek Casinos a introduci fichanan di Afl 1, Afl 5, Afl 25 y tambe Afl 100. Awo e hungador tin un opcion mas pa hunga na mesa, sea den florin of dollar. Mester subraya si cu hungadornan cu hunga cu ficha na florin lo ricibi nan ‘payout’ na florin, y si prefera di hunga cu ficha na dollar lo ricibi e ‘payout’ na dollar.
E fichanan nobo aki a wordo masha bon ricibi bao di e hungadornan, esaki ta facilitanan tambe ora di hunga na mesa debi na e ultimo desaroyonan riba cambio di moneda den casino. Wind Creek Casinos kier a invita tur hungadornan di mesa pa pasa bishita y experencia hungando cu fichanan na florin na cualkier wega di mesa.
Wind Creek Rewards
Corda bishita e Player Services y registra pa e Wind Creek Rewards program. Como miembro di e Wind Creek Rewards Program bo ta haña e oportunidad pa acumula y spaar punto hungando den ambos casino pero awor tambe por acumula y spaar punto hungando online riba www.windcreekcasino.com. Wind Creek Casinos ta ofrece e programa di beneficio mas generoso na Aruba. Wind Creek Crystal Casino ta habri ya for di 8’or di mainta pa 11’or di anochi y Wind Creek Seaport Casino ta habri for di 10’or di mainta te cu 11’or di anochi. Pa mas informacion, bishita nos pagina di Facebook; www.facebook.com/CrystalSeaportCasino/ of website; www.windcreekaruba.com