TECNOLOGIA
Un di e innovacionnan lo ta e posibilidad di skucha contenidonan riba cloud, podcast, stationnan di radio y listanan personal di reproduccion.
E legendario reproductor multimedia Winamp lo regresa otro aña como un aplicacion mobil di audio unda cu lo por skucha musica, online radio, podcast y reproduci videonan, segun e portal TechCrunch, citando Alexandre Saboundjian, director ehecutivo di e compania Radionomy cu a cumpra Winamp 2014.
“Lo tin un version absolutamente nobo otro aña cu e herencia di Winamp, pero tambe cu’n experiencia auditivo mas completo”, Saboundjian a splica. E director di Radionomy a agrega cu lo por skucha no solamente MP3 nan cu bo tin na cass, sino tambe contenidonan di cloud, podcast, stationnan di radio y un lista personal di reproduccion.
A pesar di cu Winamp no a wordo actualisa desde 2013, casi 100 miyon persona ainda ta haciendo uzo di di e servicio cada luna. E mayoria di usuarionan ta biba pafo di Merca.
E version nobo di Winamp lo wordo adapta pa iOS y Android.
