Den Haag, HULANDA- E candidato di e partido di ultra derecha Partij van de Vrijheid, Geert Wilders a asisti na un debate televisa na Den Haag, prome cu eleccionnan di mañan.
Wilders a sigura cu e profeta Mohammed ta un “homber guera y un pedofiel”, den e debate di e ciere di campaña cu a tuma luga den e edificio di Parlamento y unda cu e lidernan di e diestres partidonan mas importante di Hulanda a participa.
“Islam ta representa e amenasa mas grandi pa Hulanda. Nos futuro ta den wega”, Wilders a bisa, kende tabata e protagonista di e encuentro aki cu a dura mas di un hora y cu a wordo parti den dos debate cortico pa e partidonan grandi y den tres pa e partidonan mas chikito.