Diamars mainta trafico a pega pisa den Santa Cruz na momento cu wiel di un truck carga cu santo a kbra memey di caminda.
E truck aki tabata biniendo di Santa Cruz pariba (unda ta coy santo). Yegando Macuarima e mester a subi caminda, banda di 88 Food Mart pa bira bay na man robes. Net e chauffeur a subi caminda, el a sinti cu e stuur a pega y a tende un zonido, y e truck no por a move mas.
E support di wielnan dilanti, banda di chauffeur y ocupante, a kibra lagando e tirenan di banda. Manera por mira riba e potretnan, e truck a practicamente blokia tur dos banda di caretera, causando un stagnacion formal. Polisnan riba brommer a yega na e sitio pa dirigi trafico.
E area aki a keda basta rato cera pa trafico te ora cu haciendo uzo di un ekipo special, a lanta e truck y hib’e e garashi unda e ta bay wordo drecha.