WASHINGTON, D.C., Merca – E region di las Americas a wordo declara liber di sarampi na September di 2016 y di sarampi aleman y e sindrome di rubeola congenito na April di 2015. E grupo di trabao aki lo analisa un serie di accion proponi pa mantene ambos logro den e region, cu tabata e prome di e mundo den alcans’e.
E Grupo Tecnico Asesor a reuni e representantenan di e Programanan Amplia di Inmunisacion di mas di 30 pais di Americas, na expertonan di e Organisacion Panamericana de la Salud/Organisacion Mundial di Salud (OPS/OMS), representantenan di e sectornan di vigilancia epidemiologico y di laboratorio di e Ministerionan di Salud, mescos cu e integrante di e comitenan asesor nacional di inmunisacion.
Sarampi tabata e di cinco enfermedad prevenibel pa vacunacion den wordo elimina na Americas, unda ya sarampi Aleman na 1971 y tambe poliomielitis na 1994 y bruela y di e sindrome di rubeola congenito na 2015. E aña aki, ta celebra 40 aña di e Programa Amplia di Inmunisacion, cu den cada pais di Americas tabata e motor di e logronan aki, un hito cu e Grupo tecnico Asesor lo a reconoce durante su encuentro.
Den su reunion, expertonan a analisa, ademas, como paisnan di Americas, por prepara pa certifica e eradicacion global di poliomielitis, un enfermedad cu a wordo elimina di e region na 1994 y cu ta na caminda pa wordo eradica di mundo. Tambe nan a debati riba e manera di cera e gap den e coberturanan di vacunacion como e forma di promove e igualdad den salud den e region. E Grupo Tecnico Asesor a evalua tambe e prioridadnan riba e uzo di vacuna contra VPH den Americas.
Otro temanan ta inclui e mehora den e acceso y suministro di vacuna y hangua atrabes di e Fondo Rotarorio di Vacuna di OPS, un propuesta nobo pa responde tosferina den Americas. E fortalecimento di e cadena di friu y suministro den e continente, entre otro punto.
Den e encuentro aki tambe a participa representante di agencia y socionan como por ehempel, UNICEF, e Aliansa GAVI, e Instituto Sabin, Rotary Internacional y di e Centronan pa e Control y Prevencion di Enfermedadnan di Merca, entre otro.
E Grupo Tecnico Asesor riba enfermedadnan prevenibel pa Vacunanan di OPS, ta e foro cu ta lidera e revision y promocion di e obhetivo y strategianan pa e inmunisacion den Americas. Den e sentido ey, revisa e progreso di e programanan nacional di inmunisacion, ta identifica e necesidadnan di investigacion y ta supervisa resultadonan di einvestigacionnan den curso. E grupo di trabao aki, conforma 32 aña pasa, a wordo convoca periodicamente con pa traha riba e obhetivonan aki.
Fuente: www.eluniversal.com