Director di Servicio di Scolnan Publico, Whitney Kock a Splica e desaroyonan cu a bin ta pasa cu EPI ora aña escolar nobo a cuminsa. EPI tin cuater diferente unidad. Desde cu scol a habri tres di e unidadnan aki, segun informacion cu Kock a haya, a cuminsa poco laat. Tabata tin tiki dificultad pa produci un rooster. E rooster ta wordo traha normalmente door di e Unitmanagernan y unda ta necesario ta adapta esaki y a base di tipo di docente. Cualkier lider di un scol, sa ora cu un rooster sali pa prome biaha, e tin cu draai full e ciclo, den e caso aki ta draai full un siman. Docentenan ta geef door na school leiding y eynan tin primeramente erornan cu ta wordo coregi y na di dos luga tin deseo di maestronan, cu unda cu por, ta wordo cumpli cun’e. Den e caso specifico aki, door di tempo, directie di scol a scoge pa uza como base un rooster di e aña anterior. Pa tres di e cuater unidadnan aki, esaki tabata nifica cu nan por a draai, pero cu tabata tin diferente cos cu no ta cuadra. Aunke cu tin esey, a pidi e docentenan nan cooperacion. Nan a duna esaki. Den fin di siman, directie a produci un rooster nobo, cual tabata un di e partinan cu e docentenan, cu nan a dicidi di cuminsa duna les dialuna cu a pasa. Un unidad, esta e unidad cu ta hospitality & Tourism, tin un otro sistema di rooster. Nan tin un sistema di rooster Mericano y nan ta trata vaknan cu ta wordo duna den spring y fall. Ta logico tambe cu directie cu ta riba un otro nivel, no tabata tin e conocemento completo. Tambe a pidi cooperacion di e Unit aki. No ta asina cu a pidi nan pa trah’e, pero si nan ta e expertonan cu ta duna nan materia y nan ta esun cu ta guia e alumnonan, Nan tin e proceso primario den nan man. A dicidi cu a reconoce atrobe cu e rooster aki no por traha cun’e. No tabata manera e caso di e otro unidadnan cu si por a traha y adapta. E tabata rekeri hopi cambio, segun Whitney Kock.
- Latest
