WASHINGTON, D.C., Merca- E Comite di Inteligencia di e House of Representatives di Merca, diabierna a publica un informe polemico cu ta detaya supuesto abusonan den e investigacion federal over di e trama Ruso. Presidente Trump mes a dicidi di desclasifica e informe aki.
FBI a cuestiona e intencionnan di publica un memorando secreto di Congreso cu ta acusa e agencia di abusa di su podernan di vigilancia door di concentranan ariba Presidente Donald Trump.
E documento a wordo publica ariba e webpage di House of Representatives, y supuestamente ta acusa FBI y e number dos di e Departamento di Justicia Mericano, Rod Rosenstein, di negligencia.
Democratanan ta di opinion cu e publicacion di e memorandum aki lo ta un ultimo intento pa desacredita e investigacion cu ta wordo realisa riba e vinculonan di e campaña presidencial di Trump cu Rusia.
Segun e parlamentarionan cu a wak e memorandum (informe) aki, eyden ta para cu FBI a haya un orden hudicial pa spiona e assistent di campaña basa riba loke a bira conoci como ” e archivo Ruso” cu ta contene acusacionnan no comproba contra Trump.
E archivo aki a wordo recopila door di e ex agente di inteligencia Britanico, Christopher Steele, cu fondonan cu ta bin parcialmente di e campaña di Hillary Clinton.
E publicacion di e memorandum, segun opinionnan, lo aumenta e riesgo di un crisis constitucional ora di facilita e caminda pa un futuro accion di White House pa kita of Mueller of, mas probabel, e vice fiscal general Rod J Rosenstein.
Fuente: http://www.bbc.com
.