Usuarionan di Whatsapp a keha cu e sistema di mensaheria a cay afo diaranson atardi. Esaki ta sosode despues di dos siman cu e sistema a cay afo na nivel mundial.
E applicacion aki a bay offline pa banda di 1 or di merdia, y miles di persona a subi rednan social pa discuti e interupcion aki. Pero pa mas o menos 1 or y 20 e sistema tabata trahando optimalmente un biaha mas.
E sistema di mensaheria popular ya caba a cay afo dia 3 di Mei, lagando miyones di usuario incapaz di manda of ricibi mensahe.
Usarionan na Europa, Suramerica, Africa y Merca no tabata por a conecta cu nan contactonan pa manda mensahe, potret of GIF.
Algun usuario no tabata por a conecta cu e applicacion y tabata keda ariba un mensahe di “connecting…” ora cu e sistema no tabata por a conecta.
Actualmente Whatsapp tin mas di un biyon usuario activo rond mundo.
Respalda pa Facebook, e tin un sistema solido pa supuestamente deal cu e tipo di problemanan aki.
Tempo cu Whatsapp a wordo lansa originalmente, e sistema di manda mensahe (cu ta conecta via sistemanan 3G of wi-fi) tabata disponibel solamente pa usuarionan di un telefon inteligente.
Fuente: www.bbc.com