TECNOLOGIA
E servicio di manda mensahe WhatsApp a cuminsa na restringi e cantidad di biaha cu’n usuario por forward un mensahe pa purba na evita cu su plataforma haci informacion falso bira viral, según Reuters.
“Nos a impone un limite di cinco mensahe na mundo desde awa”, segun Victoria Grand, vice presidente di Politica y Comunicacion di WhatsApp, durante un evento cu a tuma luga na Yakarta (Indonesia).
Te awo, un usuario di e aplicacion lo por manda mensahe te cu 20 persona pa un grupo.
E limite di cinco destinacion ta un expansion global di un medida cu WhatsApp a implementa na India na juli ultimo, unda cu a vincula e rapido propagacion di rumor y videonan falso den e pais aki, desde asesinato te na intentonan di linchamento.
WhatsApp, cu ta conta cu rond di 1.5 miyon usuario, cu a purba di haya e forma pa evita e uzo indebido di su aplicacion. Den varios ocasion, e plataforma a wordo denuncia ya cu a permiti e difusion di noticianan falso, imagennan manipula, video sin contexto y voicenote engañoso.
Aña pasa e compania a hay’e obliga na blokia miles di cuentanan durante e periodo electoral na Brazil despues di cu e polemica desata door un supuesto “tsunami” di noticianan cu a wordo difundi a traves di e aplicacion aki contra di e candidato di iskierda, Fernando Haddad.