WhatsApp lo continua pa traha den un funcion pa conecta cu Telegram y otro aplicacion di mensaheria instantaneo, descubri na september ultim opa WABetaInfo den e update beta 2.23.19.8 pa Android, pero awo tambe tin pista riba su desaroyo pa iOS.
E siman aki, e website specialisa a visualisa e mesun opcion, denomina “Third-party chats” den e ultimo update lansa a traves di e programa beta TestFlight p’e sistema operativo mobil di Apple den e version di WhatsApp 24.2.10.72.
E interoperabilidad di varios plataforma lo permiti otro hende bay den contacto cu e usuarionan di e ‘app’ propiedad di Meta,” aunke nan no tin cuenta eynan. Te asina leu, e herment ta den desaroyo y solamente a precisa cu lo ta disponibel den un futuro update.
LEY DI MERCADO DIGITAL
Cu e funcion nobo aki, e compania Mericano lo cumpli cu e Ley nobo di Mercado Diital (LMD) di Union Europeo (UE) cu lo impone normal estricto riba e empresanan tecnologico grandi cu lo mester ofrece e usuarionan e posibilidad di comunica cu otro uzando diferente ‘apps.’
WhatsApp ta un di e empresanan cu mester cumpli cu e regla nobo ora considera un servicio ‘gatekeeper’ door di ta un plataforma tecnologico randi cu un base di usuario considerabel y ta den e criterianan estableci pa LMD. Te asina leu no ta cla si e herment aki tambe lo extende finalmente n’e paisnan pafo di UE.