Diaranson merdia habitante di Alto Vista a bati alarma cu parti di e cushina na cas ta na candela debi cu tin un weya riba stoof, di biaha a despacha polis y brandweer. Polis cu a presenta prome na e sitio a topa cu e cushina bou di huma.
Brandweer a sali cu urgencia for di nan post na Tanki Flip. Brandweer a presenta y aki bomberonan a drenta paden na e cushina cu tabata bou di huma, un wega grandi tabata na candela, e habitante rato prome a basha awa riba e candela pero tabata vet cu tabata na candela. Bomberonan a usa nan aparato di paga candela pero debi na e cayente esaki no kier a paga mes y a pone e tapadera riba e weya pa e candela paga di su mes. Tur cos tabata bon den e cushina cu a haya daño solamente di huma.