Lionel Croes, vocero di Serlimar, ta pidi pueblo di Aruba gradicimento pa nan comprension pa e dos dianan di accion cu e trahadonan di Serlimar a bay entrante ayera. En berdad e welga a termina, despues cu riba peticion di sindicato y tambe representantenan di trahadonan di Serlimar, a reuni cu ministernan y ayera caba a bisa cu durante dia di awe lo bay trata e puntonan, 6 en total y a firma un Ministeriele Beschikking y una bes cu esaki a wordo firma, pa duna e trahadonan e ora eynan logicamente e derecho pa bay traha bek pa cumpli cu e debernan cu semper a sa di duna na e pueblo di Aruba en general pa e sector Residencial como tambe comercial. Entrante mañan, Serlimar lo habri su portanan for di 5’or y mey di mainta y lo bay continua di biaha cu un plan di accion pa asina aki por logra trece normalidad, optimalisa den un forma rapido e recolectamento di sushi residencial cu a keda atras pa dos dia.
Ta bay haci nan maximo esfuerso y pa e pueblo no wordo afecta pa esaki. Logicamente tambe ya awe na e mesun momento cu a haya informacion cu pa motibo di intermediacion di SEPPA, sr. Marlin a bin na dump na Parkietenbos y a bin cu copia di e MB pa e trahadonan. Na e mesun e trahadonan a dicidi cu riba peticion di director tambe, pa habri bek e portanan di Parkietenbos, kita blokeo y aki inmediatamente a cuminsa traha y a habri dump pa ricibi tur esnan cu ta haci uzo door di nan cliente, hendenan cu ta biba na Aruba cu ta tira sushi di un manera of otro, pa nan por subi tereno di Parkietenbos.
E trabao ta bay ta basta pisa den e proximo dianan si mester recupera dos dia di trabao riba caya di e barionan cu no a haya atencion. Tin e barionan cu ta di San Nicolas, Savaneta un parti, dos dia di ruta. Obviamente e rutanan cu ta cay riba diabierna, lo bay haya servicio lo bay haya servicio riba diasabra. Lo bay tuma kisas na un manera relampago pa haci dos ruta riba un dia. E ta keda na e managernan en cuestion di e departamento en cuestion pa traha riba un plan strategico, hunto cu su team den un forma pa trece e ruta bek na su normalidad, segun Croes.