BOGOTA, Colombia- Despues di a scucha e argumentonan di e Asociacion Colombiana de Aviadores Civiles – ACDAC- y di e voceronan di Avianca, e Tribunal Superior di Bogota a dicidi di declara e welga di e pilotonan di a aerolinea ey como ilegal. Ya caba e pilotonan tabata tin 17 dia den welga.
Segun e Tribunal, e welga ta ilegal door cu e trahadonan no a wordo convoca. E welga ta di vital importancia pa haya miho condicionnan di trabao y dignidad humano, pero e mester ta precedi door di un acatamento prome”, segun e tribunal.
Aunke cu e decision por wordo apela, e fayo a obliga e pilotonan di Avianca den welga pa bolbe bek na pia di trabao di biaha.
E magistrado di e sala laboral, Eduardo Carvajalino, a indica cu e “derecho na welga no por invadi e servicio esencial na publico.
Tribunal den su decision a tene cuenta cu ya caba a cancela mas di 3 mil vuelo.
“Menornan di edad a wordo afecta, abuelo como tambe e transporte di cuminda. Mester a haci gastonan extra pa cubri e vuelonan y hasta mester a reembolsa e balor di e pasashinan”, e fayo ta indica.
Fuente: http://www.ntn24.com